გერმანიის კანცლერი ანგელა მერკელი პოპულარობას კარგავს - გერმანიის მოქალაქეთა უმეტესობა არ ისურვებდა მის ნახვას 2017 წლის საპარლამენტო არჩევნების შემდეგ ამავე თანამდებობაზე. ამას მოწმობს გამოკითხვის შედეგები, რომელიც სოციოლოგიურმა ინსტიტუტმა "Emnid"-მა გაზეთ "Bild am Sonntag"-ის დაკვეთით ჩაატარა.
გამოკითხვის შედეგებით ირკვევა, რომ 48 %-ს არ სურს ანგელა მერკელმა ქვეყნის მთავრობას უხელმძღვანელოს. მომხრე 44 %-ია.
გამოკითხულთა 47 % უკმაყოფილების მიზეზად კანცლერის სამიგრაციო პოლიტიკას ასახელებს და მიიჩნევს, რომ დევნილებთან დაკავშირებულ პრობლემებს ვერ გაუმკლავდა, 40 % კი ამ მხრივ კმაყოფილია.