პარიზში სამართალდამცველებმა 200-ზე მეტი ადამიანი დააკავეს. სამართალდამცავებმა აქციის მონაწილეები ცრემლსადენი გაზით დაარბიეს.
საფრანგეთის შინაგან საქმეთა მინისტრის ბერნარ კაზნევის ინფორმაციით, აქტივისტებმა სამართალდამცველებს ბოთლები და სანთლები დაუშინეს. ორგანიზატორთა ცნობით, მიტინგში 10 000-მდე ადამიანი მონაწილეობდა. პოლიციის მონაცემებით, დემონტრანტთა რაოდენობა 4 500-ს არ აღემატებოდა. პარიზის ტერაქტების შემდეგ საფრანგეთის ხელისუფლებამ საჯარო შეკრებები აკრძალა.
ანალოგიური აკრძალვა ტერაქტების შემდეგ მოქმედებს ბელგიის დედაქალაქში, მიუხედავად ამისა ბრიუსელის ქუჩებში 4 000-მდე ეკო-აქტივისტი გამოვიდა.
საპროტესტო აქცია გაიმართ ბერლინშიც, სადაც, "გრინფისის" ორგანიზებით, 17 000-მდე ადამიანმა მსვლელობა ცენტრალური სადგურიდან ბრანდენბურგის კარიბჭემდე გამართა. ლონდონში კი, კლიმატურ ცვლილებებთან ბრძოლის გააქტიურების მოთხოვნით 50 000-მდე ადამიანი გამოვიდა. დემონსტრანტებს დიდი ბრიტანეთის ლეიბორისტული პარტიის ლიდერი ჯერემი კორბინიც შეუერთდა.
საპროტესტო აქციები გაიმართა მადრიდსა და ათენშიც.