შვედეთში, თურქულ კულტურულ ცენტრში აფეთქება მოხდა

შვედეთში, თურქულ კულტურულ ცენტრში აფეთქება მოხდა. ამის შესახებ "ბიბისი" ადგილობრივ პოლიციაზე დაყრდნობით იტყობინება.

აფეთქების შედეგად შენობა მნიშვნელოვნად დაზიანდა.

"შიგნით არავინ იყო და არავინ დაშავებულა, რადგან ცენტრი საღამოს საათებში დაიკეტა", - განაცხადეს შვედეთის პოლიციაში.

აფეთქებასთან დაკავშირებით ჯერჯერობით არავინ დაუკავებიათ.