რუსეთის პრემიერის ვლადიმერ პუტინის ქალიშვილი ოლიგარქს გაყვა ცოლად. ეს სენსანციური განცხადება რადიოსადგურ ”ეხო მოსკვის” ეთერში მწერალმა ალექსანდრ პროხანოვმა გააკეთა პროგრამაში ”ოსობოე მნენიე”.

პროგრამის წამყვანი ოლგა ჟურავლიოვა პროხანოვთან სამხედრო სადესანტო ჯარების გენერალთან დაკავშირებით შექმნილ ვითარებაზე საუბრობდა იმის შესახებ, თითქოს მან კრიმინალურ გარჩევაზე თავისი სპეცრაზმი გაუშვა.

გაცხარებული კამათის დროს ალექსანდრ პროხანოვმა ვერც კი შენიშნა, ისე  გადავიდა სხვა თემაზე. ”არა, რა თქმა უნდა შეუძლია. და თავისი ნათესავის რა პრობლემებს წყვეტს  ვიღაც სერდიუკოვი, რომელმაც ვიღაცის ქალიშვილი მოიყვანა ცოლად? რა საოჯახო პრობლემებს წყვეტენ ჩვენი ოლიგარქები - ერთ-ერთმა მათგანმა ეხლა პუტინის ქალიშვილი მოიყვანა ცოლად” - განაცხადა პროხანოვმა.

პროგრამის შემდეგ მან ტელეფონი გამორთო, რათა კომენტარი არ გაეკეთებინა.

მომზადებულია beta.novoteka.ru-ს მიხედვით