კვირის ყველაზე კითხვადი სტატიები
თვის ყველაზე კითხვადი სტატიები
შრიფტი
09:11 / 06-02-2017
რუსეთის სამი საგარეო საქმეთა მინისტრის ქართული ბავშვობა
"რუსეთის საგარეო საქმეთა უწყების ხელმძღვანელების ქართული ბავშვობა" - სტატია ამ სათაურით ევგენი პრიმაკოვის, იგორ ივანოვისა და სერგეი ლავროვის შესახებ საინტერესო და ბევრისთვის უცნობ დეტალებს ამხელს.

"საქართველოში გიცხოვრიათ? მაშინ მიღებული ხართ" - შესაძლოა, ასეთ მოკლე გასაუბრებას გადიოდნენ საგარეო საქმეთა მინისტრები რუსეთში თანამდებობაზე დანიშვნამდე. ხუმრობა იქით იყოს, მაგრამ რუსეთის 4 მთავარი დიპლომატიდან სამს, ახალგაზრდობის წლები საქართველოში აქვთ გატარებული.

ევგენი პრიმაკოვი
რუსეთის რიგით მეორე საგარეო საქმეთა მინისტრი ევგენი პრიმაკოვი კიევში დაიბადა, თუმცა ბავშვობა თბილისში გაატარა. ბავშვის გაჩენიდან მალევე მისი დედა - ანნა პრიმაკოვა თბილისში დაბრუნდა, სადაც მისი ოჯახი ცხოვრობდა. ევგენი თბილისის ყველაზე ინტერნაციონალურ რაიონში იზრდებოდა - პლეხანოვზე, სადაც სხვადასხვა ერების წარმომადგენლები ცხოვრობდნენ: ქართველები, სომხები, ქურთები, ებრაელები, პოლონელები, გერმანელები, რუსები. პრიმაკოვი ბავშვობიდან საუბრობდა ქართულად და სომხურად.

სკოლაში მარნეულში დადიოდა. მეშვიდე კლასის შემდეგ, 1944 წელს სამხედრო-საზღვაო მოსამზადებელ ცენტრში ჩაირიცხა ბაქოში. ორ წელიწადში ჯანმრთელობის გაუარესების გამო გამოუშვეს, რადგან ტუბერკულოზის საწყისი ფორმა აღმოაჩნდა. ეს გახდა მისი თბილისში დაბრუნების მიზეზი, სადაც 1948 წელს მე-14 საშუალო სკოლა დაამთავრა. მასწავლებლები აღნიშნავდნენ, რომ პრიმაკოვი განსაკუთრებულად ნიჭიერი იყო მათემატიკისა და უცხო ენების სწავლაში. სკოლის დასრულების შემდეგ, მან სწავლა რუსეთში გააგრძელა.

საქართველოში გაზრდილმა რუსმა დიპლომატმა ცხოვრება ქართველ ქალს დაუკავშირა - მისი პირველი მეუღლე, რომელთანაც პრიმაკოვს ორი შვილი დარჩა, ლაურა ხარაძე გახლდათ, რომელიც საბჭოთა გენერლის, მიხეილ გვიშიანის შვილი იყო.

იგორ ივანოვი
ივანოვმა არა მხოლოდ ბავშვობა გაატარა საქართველოში, არამედ ის ნახევრად ქართველიცაა - დედამისი ელენე (ელიკო) საღირაშვილი ქართველია. ექვს წლამდე ივანოვი დედის მშობლებთან საქართველოში იზრდებოდა. რუსეთის საგარეო საქმეთა მინისტრის ბავშვობამ ახმეტაში განვლო. ერთ-ერთ საჯარო გამოსვლაში უკვე რუსეთის საგარეო საქმეთა მინისტრის პოსტზე, მან განაცხადა: "მე მიყვარს საქართველო და ნახევრად ქართველი ვარ".

სერგეი ლავროვი
დიპლომატის ოფიციალურ ბიოგრაფიაში წერია, რომ ის რუსეთში დაიბადა და რუსია. მაგრამ ლავროვის
You must have Flash Player installed in order to see this player.
თბილისური წარსულით დიდი ხანია ინტერესდება ქართული პრესა. როგორც მათ მოახერხეს დადგენა, ლავროვი ავლაბარში ცხოვრობდა და 93-ე, ამჟამინდელ 84-ე სკოლაში სწავლობდა. თბილისის სომხური დიასპორის ხელმძღვანელის ვან ბაიბურთის მტკიცებით, ლავროვი ნამდვილად ცხოვრობდა ავლაბარში. თუმცა აღნიშნულ სკოლაში არ უსწავლია, რადგან მშობლებმა ის მოსკოვში მანამდე წაიყვანეს, სანამ სასკოლო ასაკი მოუწევდა. 2005 წელს, ერევნის უნივერსიტეტში სტუმრობისას ლავროვს ჰკითხეს, სომხური წარმომავლობა ხელს ხომ არ გიშლითო. "მე თბილისური ფესვები მაქვს, იმიტომ, რომ მამაჩემი იქიდანაა. ჩემში სომხური სისხლი ჩქეფს და ეს მე არაფერში მიშლის ხელს", - უპასუხა ლავროვმა.

ასეა თუ ისე, საქართველოში გატარებულ ბავშვობას, არ უმოქმედია პრიმაკოვის, ივანოვისა და ლავროვის პოლიტიკურ მოღვაწეობაზე. სამივე იდგა და დგას რუსეთის საგარეო პოლიტიკის ინტერესების სადარაჯოზე.

მომზადებულია sputnik-georgia.ru-ს მიხედვით
18:54 / 25-02-2017
lia
0
ვინ სად გაიარა ის არაა მტავარი,მტავარია ვის და რას ემსახურები....
11:01 / 15-02-2017
ალექს
0
ამ კომენტარებში ერთი კარგი რამაა,ერი ფიქრობს,ერი ეძებს უკეთეს გზას,ვიდრე გავიარეთ და ახლა ვადგავართ,ეს კარგია !
ახლა მე სასწაულს ვერ მოვახდენ და კითხვას კი დავსვამ ,სხვა გზა ვიდრე აქამდე გვივლია და ახლა ვადგავართ ,არ არსებობს ვითომ ?!
არ მოგერიდოთ ,თქვით !
მსგავსი სიახლეები
განაცხადა გიორგი კვირიკაშვილმა რუსეთზე საუბრისას
აფხაზების სუსტი პროტესტის ფონზე სოხუმში გაერთიანებული ორგანოების ცენტრი იქმნება
საქართველოს კონფლიქტურ რეგიონში 600-მდე რუსი სამხედროსთვის ბინების მშენებლობა იგეგმება
ვიდეოში ტერორისტები ამბობენ, რომ რუსი ოფიცერი ყაზახეთსა და ჩრდილოეთ კავკასიის რეგიონში, რადიკალურ ისლამისტურ დაჯგუფებებში ჯაშუშად მუშაობდ
კლუბში იყიდება მართლმადიდებლური სიმბოლიკები, რაც პატრიარქ კირილეს პატრონაჟით ხორციელდება
"დაზვერვის სამსახურის მონაცემების თანახმად, რუსეთი "თალიბანს" ფინანსურ მხარდაჭერას უწევს"
სასამართლომ, ასევე, დაადგინა, რომ ორგანიზაციის ქონების კონფისკაცია განხორციელდეს
"ჩვენი სუსტი პროტესტის ფონზე, ისინი აქაურობას ნაბიჯ-ნაბიჯ ითვისებენ"
რუსეთის საგარეო საქმეთა მინისტრი სერგეი ლავროვი სოხუმში ჩავიდა
ამ კატეგორიის სხვა სიახლეები
23:18 / 29-05-2017  Image ე.წ. კანიბალიზმის საქმის უცნობი დეტალები
+VIDEO საზარელი მკვლელობა გასული წლის 19 ოქტომბერს გაბრიელ სალოსის ქუჩაზე მოხდა
20:38 / 29-05-2017  Image პირველი ქართველი ქალი დეპუტატები, რომელთა შესახებ არაფერი გსმენიათ - "მათი უმრავლესობა რეპრესირებული იყო საბჭოთა რეჟიმის დროს"
"მათ შესახებ ხსენებულ კვლევამდე ინფორმაცია არ არსებობდა"
13:47 / 29-05-2017  Image ავარია გორში: მოსწავლეები ბოლო ზარზე მანქანით ხეს დაეჯახნენ
მანქანაში 5 ახალგაზრდა იჯდა
11:33 / 29-05-2017  Image როგორ უნდა მოიქცეს მშობელი, თუ სკოლაში შვილს უჩაგრავენ - ფსიქოლოგი და იურისტი ბავშვთა უფლებებზე
ბავშვის იძულება, შეიკავოს ფიზიოლოგიური მოთხოვნილებები, ეს არის ძალადობის ფორმა
16:53 / 29-05-2017  Image ვინ არის მიხეილ ჩინჩალაძე, რომელიც თბილისის სააპელაციო სასამართლოს თავმჯდომარედ დაინიშნა
ჩინჩალაძის კანდიდატურას მხარი საბჭოს 12-მა წევრმა დაუჭირა
პოპულარული კომენტარები
ინტერნეტკონფერენცია
2017-05-24 06:59:12
სოციალურ ქსელში ლაშა თორდიას სავარაუდო...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49