ეგვიპტეში გატაცებული თვითმფრინავი და 82 მგზავრი აფეთქების მოლოდინში - პირველი ინფორმაცია ბორტიდან

ეგვიპტეში გატაცებული სამგზავრო თვითმფრინავის ბორტზე სულ მცირე ერთი შეიარაღებული პირი იმყოფება. ამის შესახებ კვიპროსის მედია იტყობინება.

კვიპროსელმა მაღალჩინოსანმა სააგენტო Associated Press-ს განუცხადა, რომ თვითმფრინავის ბორტზე ბომბია.

ამ წუთებში ეგვიპტეში გატაცებული თვითმფრინავი კვიპროსის ლარნაკას აეროპორტშია. სხვა დეტალები ჯერ უცნობია.

ცოტა ხნის წინ გავრცელდა ინფორმაცია, რომ უცნობმა პირებმა ავიაკომპანია Egyptair-ის კუთვნილი სამგზავრო თვითმფრინავი A320 გაიტაცეს. თვითმფრინავი ალექსანდრიიდან კაიროში ასრულებდა რეისს.

ადგილობრივი პრესა იტყობინება, რომ თვითმფრინავში გატაცების მომენტში 82 მგზავრი იმყოფებოდა.

მომხდართან დაკავშირებით კვიპროსში საგანგებოდ ორი კრიზისული შტაბი გაიხსნა.

იხილეთ ვიდეო