რუსეთში 22 წლით გასამართლებულმა უკრაინელმა მფრინავმა ნადეჯდა სავჩენკომ საგამოძიებო იზოლატორში, ადვოკატთან ერთად, უკრაინაში მისი ექსტრადაციისთვის საჭირო დოკუმენტაცია შეასვსო. ამის შესახებ სავჩენკოს ადვოკატმა მარკ ფეიგინმა სააგენტო "ინტერფაქსს" განუცხადა.
ფეიგინის თქმით, სავჩენკომ, უკრაინაში სასჯელის მოხდის შესახებ თანხმობა განაცხადა და ავტობიოგრაფიულ და სხვა კითხვებს უპასუხა. ფეიგინმა ხაზგასმით აღნიშნა, რომ ნადეჟდა სავჩენკო ბრალს კვლავ კატეგორიულად არ აღიარებს. "ამის მიუხედავად, ის თანახმაა, ჯარიმის სახით 30 ათასი რუბლი გადაიხადოს, რომელიც სასამართლომ მას, თითქოს და, საზღვრის უკანონოდ გადაკვეთისთვის დაუწესა, თუმცა მან აღნიშნა, რომ უკანონოდ იყო გადაყვანილი საზღვარზე", - განაცხადა ფეიგინმა.