თურქეთში აფეთქებას სამი ადამიანი ემსხვერპლა

სამი ადამიანი დაიღუპა და 42 დაშავდა სამხრეთ-აღმოსავლეთ თურქეთის ქალაქ დიარბაქირში ავტომანქანის აფეთქების შედეგად, რომელშიც ასაფეთქებელი მოწყობილობა იყო დამონტაჟებული, - ამის შესახებ ინფორმაციას ადგილობრივი ხელისუფლება ადასტურებს.

ასაფეთქებელი მოწყობილობა მაშინ ამოქმედდა, როდესაც ავტომანქანას მიკროავტობუსმა ჩაუარა, რომელშიც "ქურთთა მუშათა პარტიის" დაკავებული წევრები იმყოფებოდნენ.

დიარბაქირის გუბერნატორის ადმინისტრაციის ინფორმაციით, დაშავებულთაგან 12 პოლიციელია, 33 სამოქლაქო პირი, რომელთაგან სამი მძიმე ჭრილობების შედეგად გარდაიცვალა.