"ემიგრანტები ერთმანეთს ვწერთ და ასე ვიგებთ ამბავს..." - რას ყვება აეროპორტში მომხდარ აფეთქებაზე თურქეთში მცხოვრები ქართველი

 "ემიგრანტები ერთმანეთს ვწერთ და ასე ვიგებთ ამბავს..." - რას ყვება აეროპორტში მომხდარ აფეთქებაზე თურქეთში მცხოვრები ქართველი

ბოლო მონაცემებით, სტამბოლის ათათურქის აეროპორტში მომხდარი აფეთქების შედეგად დაშავებულთა რიცხვი 60-მდე გაიზარდა. ინფორმაციას ამის შესახებ ადგილობრივი მედია ავრცელებს. BBC-ს ცნობით კი დაღუპულთა რიცხვმა 28-ს მიაღწია.

თურქული მხარე ამ ეტაპზე დაღუპულთა და დაშავებულთა შორის საქართველოს მოქალაქეების არსებობას არ ადასტურებს - ამის შესახებ ნათქვამია საქართველოს საგარეო საქმეთა სამინისტროს მიერ ცოტა ხნის წინ გავრცელებულ ინფორმაციაში.

ტერორისტული აქტის შემდეგ, სოციალურ ქსელში მრავალი ჩვენი თანამემამულე, რომელიც ამ ეტაპზე თურქეთში იმყოფება, ერთმანეთს ატყობინებს, რომ უვნებელია და თავს კარგად გრძნობს. ეთო ბეგლარაშვილი ერთ-ერთი იმ ქართველთაგანია, რომელმაც ახლობლებს სოციალური ქსელით შეატყობინა, რომ ცოცხალია და არ დაშავებულა. როგორც ეთო ბეგლარაშვილმა AMBEBI.GE-სთან საუბრისას განაცხადა, ათათურქის აეროპორტთან ახლოს ცხოვრობს.

- ხალხი პანიკაშია, აეროპორტის შესასვლელები და გასასვლელები დაკეტილია. თავიდან როგორც გავიგეთ, ერთი ტერორისტი კამიკაძე იყო, ყუმბარასთან ერთად აფეთქდა. არაოფიციალური ინფორმაციით, დაღუპულია 10 ადამიანი, დაშავებული 50-ს აჭარბებს. ბოლო ორ თვეში ეს მესამე აფეთქებაა. აფეთქება ქვეყნის მთავარ აეროპორტში მოხდა და ამაზე დიდი უბედურება ქვეყნისთვის არ არსებობს. აეროპორტში ზოგადად ძალიან დიდი სიმკაცრეა, წარმოუდგენელია, როგორ შეაღწიეს ტერორისტებმა.

- რა იცი იმ ქართველების შესახებ, რომლებიც შენს გარშემო არიან?

- ყველა შეშინებულია. ემიგრანტები ერთმანეთს ვწერთ და ასე ვიგებთ ერთმანეთის ამბავს. მეც ძირითადად იმ ქუჩებზე მიწევს მოძრაობა. ნებისმიერ დროს, ნებისმიერი შეიძლება აღმოვჩენილიყავით ამ უბედურებაში.

შეგახსენებთ, საქართველოს საგარეო საქმეთა სამინისტროს ინფორმაციით, თურქეთში, ათათურქის აეროპორტში მომხდარ აფეთქებასთან დაკავშირებით საქართველოს გენერალურ საკონსულოში მოქმედებს ცხელი ხაზი: (+90 541) 818 44 00

თეა ცაგურიშვილი

AMBEBI.GE

ყველა ინფორმაცია იხილეთ ტეგზე #აფეთქება ათათურქის აეროპორტში

9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს

მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"

პრინცს, რომელსაც ქალი გაუპატიურებას აბრალებს, ავსტრალიაში არავინ დახვდა