სომხეთის პოლიციის მაღალჩინოსანი - დაჭრილების მდგომარეობა უკიდურესად მძიმეა
ერევანში, პოლიციის შენობაში შეჭრილ შეიარაღებულ დაჯგუფებას მძევლად ექვსი პოლიციელი ჰყავს აყვანილი. ამის შესახებ ჟურნალისტებს პოლიციის უფროსის მოადგილემ უნან პოღოსიანმა განუცხადა.
მისი თქმით, დამნაშავეებთან კვლავინდებურად მოლაპარაკებები მიმდინარეობს. ამასთან, პოღოსიანი უარყოფს გავრცელებულ ინფორმაციას, თითქოს პოლიციის შენობასთან ჟირაირ სეფილიანი მიიყვანეს, რომლის გათავისუფლებასაც პოლიციის შენობაში შეჭრილი დამნაშავეები ითხოვენ.
ვრცელდება ინფორმაცია დაჭრილ პოლიციელთა შესახებ, რომლის თანახმადაც, ორი სამართალდამცველის მდგომარეობა უკიდურესად მძიმეა, ასევე მძიმეა კიდევ ორი პოლიციელის მდგომარეობა. მათი ნაწილი სამოქალაქო საავადმყოფოში, ნაწილი კი სამხედრო ჰოსპიტალში იმყოფება.
შეიარაღებული ადამიანები პოლიციის სამმართველოში დღეს შეიჭრნენ. მათ მძევლად 7 ადამიანი ჰყავთ აყვანილი და 20 ივნისს დაკავებული ჟირაის სეფილიანის გათავისუფლებას მოითხოვენ.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
