ზაარბრიუკენის კაფეში შეიარაღებული მამაკაცის შეჭრის შედეგად ერთი ადამიანია დაშავებული

ზაარბრიუკენის ერთ-ერთ კაფეში, სადაც შეიარაღებული მამაკაცი შეიჭრა, დაშავებულია ერთი ადამიანი, რომელიც სავარაუდოდ, დაწესებულების თანამშრომელია. ამის შესახებ გერმანული მედია იუწყება.

ამ დროისთვის გერმანელი სამართალდამცველები აცხადებენ, რომ თავდამსხმელს არანაირი პოლიტიკური მოთხოვნა არ გააჩნია. ასევე ცნობილია, რომ ის ადგილობრივი მკვიდრია.

სამართალდამცველების ინფორმაციით, მამაკაცს არასტაბილური ფსიქიკური მდგომარეობა აქვს. სპეცდანიშნულების რაზმს შენობა ალყაში აქვს მოქცეული.