საფრანგეთის პრეზიდენტი ნიკოლა სარკოზი და სუპერმოდელი კარლა ბრუნი ყოველთვის შეუფერებელი წყვილის შთაბეჭდილებას ტოვებდა, მაგრამ ეხლა შესაძლოა მათ რაღაც საერთო გაუჩნდათ.მოარული ხმებით, მათ ორივეს რომანი აქვთ - წერს The Daily Mail, რომლის აზრით, წყვილმა უჩვეულო საყვარლები შეარჩია.
55 წლის საფრაგეთის პრეზიდენტმა რომანი გააბა 40 წლის ეკოლოგიის მინისტრთან და კარატეში ჩემპიონ შანტალ ჟუანოსთან, 43 წლის კარლა ბრუნიმ კი - პოპ მომღერალ ბენჟამინ ბიოლესთან, რომელიც საფრანგეთის პირველ ლედიზე 6 წლით უმცროსია.არსებობს ვარაუდები, რომ სარკოზი-ბრუნის ქორწინება იქამდე გასტანს, ვიდრე სარკოზი ხელისუფლებაში იქნება. ამ ამბავს განსაკუთრებულ წონას ის ფაქტიც მატებს, რომ იგი გამოქვეყნებული იყო გამოცემის Le Journal du Dimanche ვებგვერდზე.
როგორც გამოცემა წერს, ”ამბობენ, რომ მუსიკალური კონკურსების ლაურეატის ბენჟამი ბიოლესა და საფრანგეთის პირველი ლედის რომანი რამდენიმე კვირის წინ დაიწყო”.
იქვე აღნიშნულია, რომ ”პრეზიდენტის ქორწინება ”სულს ღაფავს”. კარლა ბრუნი ბენჟამენ ბიოლეშია შეყვარებული, პრეზიდენტი კი თავს შანტალ ჟუანოსთან იმშვიდებს” - ციტირებას ახდენს The Daily Mail.
მომზადებულია www.inopressa.ru-ს მიხედვით.
