თურქეთში სამხედრო გადატრიალების მცდელობასთან სავარაუდო კავშირისთვის ძალოვანი უწყებების თითქმის 300 თანამშრომელი დაითხოვეს.
როგორც სააგენტო „ანადოლუ“ თურქეთის შსს-ზე დაყრდნობით წერს, სამსახურის გარეშე ჟანდარმერიის 153 და სანაპირო დაცვის 112 თანამშრომელი დარჩა.
ბოლო მონაცემებით, თურქეთში, სამხედრო გადატრიალების მცდელობასთან კავშირისთვის 35 000-მდე ადამიანია დაკავებული.
მიმდინარე წლის ივლისში მომხდარი მოვლენებისთვის ანკარა პასუხისმგებლობას აშშ-ში მცხოვრებ მქადაგებელს, ფეთჰულა გიულენს აკისრებს. თავად გიულენი აღნიშნულ ბრალდებას კატეგორიულად უარყოფს.