ცენტრალურ იტალიაში ვერტმფრენის ჩამოვარდნას ექვსი ადამიანი ემსხვერპლა. ამის შესახებ ადგილობრივი მედია იუწყება.
ვერტმფრენი მთიან რეგიონ ამბრუცოში, 1600 მეტრის სიმაღლიდან ჩამოვარდა, რომელსაც კამპო ფელიჩედან პროვინცია აკვილას საავადმყოფოსკენ ტრავმირებული მოთხილამურე გადაჰყავდა.
ბორტზე ეკიპაჟის ორი წევრი, ორი მაშველი, ექიმი და დაშავებული სპორტსმენი იმყოფებოდა. ვარდნის შედეგად ვერტმფრენი მთლიანად დაიშალა. ადგილი, სადაც ის ჩამოვარდა, მაშველებისთვის ძნელად მისადგომი აღმოჩნდა, რასაც ნისლი და ძლიერი თოვა უშლიდა ხელს.