აშშ-ის ელჩი გაერო-ში - ჩვენ დავიმახსოვრებთ მათ, ვინც მხარს არ გვიჭერს
აშშ გაერო-ს აჩვენებს თავის ღირებულებას ძალის დემოსტრირებით, - განაცხადა გაერო-ში აშშ-ის ახალმა ელჩმა ნიკი ჰეილიმ.
"ტრამპის ადმინისტრაციის მიზანია გაერო-ს ჩვენი ღირებულება ვუჩვენოთ და ამას ჩვენი ძალის დემონსტრირებით განვახორციელებთ. ჩვენ გვექნება მოკავშირეების მხარდაჭერა და ასევე მოკავშირეებს ჩვენი მხარდაჭერა. მათ კი, ვინც მხარს არ გვიჭერს, ჩვენ დავიმახსოვრებთ, ჩვენ პირდაპირ გამოვთქვამთ სათქმელს და შესაბამისად მოვახდენთ რეაგირებას", - განაცხადა ნიკი ჰეილიმ ნიუ-იორკში გაერო-ს შტაბ-ბინაში.
მისივე თქმით, აშშ-ს ახალი წარმომადგენლობა ჰყავს გაერო-ში და ახალი ამერიკული დელეგაცია უფრო "ჭკვიანურად" იმუშავებს.
"აშშ-ის ახალი წარმომადგენლობა ჰყავს გაერო-ში. გუშინ ვესაუბრეთ ჩვენი დიპლომატიური მისიის თანამშრომლებს და თქვენ დაინახავთ ცვლილებებს", - დასძინა ნიკი ჰეილიმ.
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
პრინცს, რომელსაც ქალი გაუპატიურებას აბრალებს, ავსტრალიაში არავინ დახვდა
