კიშინიოვის აეროპორტში ბომბს ეძებენ. ამის შესახებ ინფორმაციას მოლდოვის სასაზღვრო პოლიციის პრესსამსახურში ადასტურებენ.
"დღეს სასაზღვრო პოლიციის თანამშრომლებმა ელექტრონული ფოსტით მიიღეს წერილი, რომლის თანახმადაც კიშინიოვის საერთაშორისო აეროპორტი დანაღმულია. წერილის ავტორი, ვისი ვინაობაც უცნობია, თანხას ითხოვს. აეროპორტის შენობა სრულად ევაკუირებულია. რეისები შეფერხდა. შეჩერებულია მგზავრთა რეგისტრაცია", - განაცხადეს პრესსამსახურში.
ამ დროისთვის აეროპორტში ჩხრეკა მიმდინარეობს და გაძლიერებულია უსაფრთხოების ზომები.