ფილიპინებზე 6,7 მაგნიტუდის სიმძლავრის მიწისძვრა მოხდა. აღნიშნულ ინფორმაციას აშშ-ის გეოლოგიურ ცენტრზე დაყრდნობით, "როიტერი" ავრცელებს.
სტიქიის ეპიცენტრი ქალაქ ტაისაიდან 2 კილომეტრის დაშორებით დაფიქსირდა. მსხვერპლისა და დაშავებულების ზუსტი რაოდენობის შესახებ ინფორმაცია ამ დროისთვის არ ვრცელდება.
არსებული მონაცემებით, მიწისძვრის შედეგად რამდენიმე დასახლებულ რეგიონს დიდი ზარალი მიადგა.