სომალიში უკანასკნელი 2 დღის განმავლობაში 110-ზე მეტი ადამიანი შიმშილით გარდაიცვალა, - ამის შესახებ "ბი-ბი-სი" იუწყება.
"რთული ვითარებაა მათთვის, ვინც მეცხოველეობას მისდევს. შიმშილისა და დიარეისგან ადამიანებიც იტანჯებიან. უკანასკნელი 48 საათის განმავლობაში ბაის რეგიონში 110 ადამიანი გარდაიცვალა", - განაცხადა სომალის პრემიერ-მინისტრმა ჰასან ალი ჰაირემ.
მისი თქმით, ხელისუფლება ხალხის გადასარჩენად ყველაფერს გააკეთებს. "ამასთანავე, მსურს მოვუწოდო მოსახლეობას, დაეხმაროს სიკვდილის პირას მყოფ სომალელებს", - განაცხადა ქვეყნის მთავრობის მეთაურმა.
გაეროს შეფასებით, სომალის ნახევარკუნძულის, დაახლოებით, 5 მილიონი მცხოვრები შიმშილის მასშტაბების ზრდის პარალელურად დახმარებას საჭიროებს. 2011 წელს სომალიში შიმშილის გამო 260 ათასი დაიღუპა.