სულ მცირე, 23 ადამიანი დაიღუპა და ათეულობით დაშავდა ერაყის დედაქალაქ ბაღდადში დანაღმული ავტომანქანის აფეთქების შედეგად. ამის შესახებ არაბული მედია პოლიციაზე დაყრდნობით იუწყება.
სააგენტო "როიტერის" ინფორმაციით კი, აფეთქება ამილის კვარტალში მოხდა, რომელიც მოვაჭრეების სიმრავლით გამოირჩევა. სააგენტოს ინფორმაციით, დაღუპულია 23 ადამიანი, 45 კი დაიჭრა.
ამ დროისთვის ტერაქტზე პასუხისმგებლობა არც ერთ ტერორისტულ დაჯგუფებას არ აუღია. თუმცა, ერაყში, ძირითადად, თავდასხმებს "ისლამური სახელმწიფო" ახორციელებს.