თურქეთში დაკავებების სერია გრძელდება - გიულენთან კავშირში ეჭვმიტანილ 3,224 პირზე დაკავების ორდერები გაიცა
თურქეთის შესაბამისმა უწყებებმა ფეთჰულა გიულენის ორგანიზაციასთან კავშირში ეჭვმიტანილ 3,224 პირზე დაკავების ორდერები გასცეს. აღნიშნულის შესახებ CNN Turk იუწყება.
თურქეთში, დღეს ჩატარებული სპეცოპერაციის შედეგად ფეთჰულა გიულენის ორგანიზაციასთან კავშირში ეჭვმიტანილი 1000-მდე პირი დააკავეს.
პოლიციის სპეცოპერაციის ფარგლებში, თურქეთის 81 პროვინციაში განხორციელდა რეიდები, რომლის სამიზნე ფეთჰულა გიულენის ორგანიზაციის საიდუმლო სტრუქტურები იყო.
პოლიციის განცხადებით, ამ მომენტისთვის უკვე 1000-მდე ეჭვმიტანილია დაკავებული. თურქეთის შს მინისტრის თქმით, ოპერაცია კიდევ გრძელდება.
2016 წლის 15 ივლისის სახელმწიფო გადატრიალების მცდელობის შემდეგ ოფიციალურმა ანკარამ აშშ-ში მცხოვრებ ფეთჰულა გიულენს ბრალი დასდო გადატრიალების მცდელობის ორგანიზებაში, ხოლო მისი ორგანიზაცია ტერორისტულად სცნო.
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
პრინცს, რომელსაც ქალი გაუპატიურებას აბრალებს, ავსტრალიაში არავინ დახვდა
