მიჩიგანის შტატის ბიშოფის აეროპორტში პოლიციელის დაჭრის გამო ევაკუაცია გამოცხადდა

ამერიკის მიჩიგანის შტატის ქალაქ ფლინტის აეროპორტში ევაკუაცია განხორციელდა მას შემდეგ, რაც ერთი პოლიციელი დაიჭრა. ამის შესახებ აეროპორტის "ფეისბუქის" ოფიციალური საიტი იუწყება.

ინციდენტი ბიშოფის აეროპორტში მოხდა. ინციდენტის დეტალები უცნობია. მგაზვრები უსაფრთხოდ იმყოფებიან.

ერთ-ერთი თვითმხილველის განცხადებით, დაინახა, რომ პოლიციის ოფიცერი კისერზე ჭრილობის გამო სისხლისგან იცლებოდა. მისივე ინფორმაციით, პოლიციელებმა მამაკაცი დააკავეს, რომლის გვერდითაც იატაკზე დანა ეგდო.