კარაკასში რეფერენდუმზე მისულ ამომრჩევლებს ცეცხლი გაუხსნეს, დაიღუპა ერთი და დაშავდა სამი ადამიანი

კარაკასში რეფერენდუმზე მისულ ამომრჩევლებს ცეცხლი გაუხსნეს, შედეგად ერთი ქალი დაიღუპა, სამი კი დაშავდა. ამის შესახებ „როიტერი“ იუწყება.

შემთხვევის ადგილზე მობილიზებული იყო პოლიცია და სასწრაფო დახმარების ჯგუფები, დაშავებულებს სამედიცინო დახმარება ადგილზე აღმოუჩინეს.

სამართალდამცველები დამნაშავეს ეძებენ.

როგორც ცნობილია, ვენესუელაში ოპოზიციის მიერ ორგანიზებული რეფერენდუმი გაიმართა, რომელიც საკონსტიტუციო ცვლილებებს ეხება.

"ინტერპრესნიუსი"