ბარსელონაში ტერაქტის შედეგად დაღუპულთა რიცხვი 14-მდე გაიზარდა

ბარსელონაში მომხდარი ტერაქტის შედეგად დაღუპულთა რიცხვი 14-მდე გაიზარდა. ამის შესახებ ინფორმაციას კატალონიის პოლიცია ავრცელებს.

"კატალონიის საგანგებო სიტუაციების სამსახური ადასტურებს, რომ ქალი, რომელიც საავადმყოფოში კრიტიკულ მდგომარეობაში იმყოფებოდა, გარდაიცვალა", - ნათქვამია პოლიციის განცხადებაში.

ბარსელონაში, რამბლას მოედანზე ფეხით მოსიარულეთა გზის სავალ ნაწილზე გუშინ ავტომობილი შევარდა. მომხდარის შედეგად, ამ დროის მონაცემებით, 14 ადამიანი დაიღუპა, 100-მდე კი დაშავდა.

აღნიშნულ ტერაქტზე პასუხისმგებლობა ტერორისტულმა დაჯგუფება "ისლამურმა სახელმწიფომ" აიღო.