ლონდონის მეტროში დაშავებულთა რაოდენობა 29-მდე გაიზარდა ლონდონის მეტროში დაშავებულთა რაოდენობა 29-მდე გაიზარდა. ამის შესახებ ინფორმაციას დიდი ბრიტანეთის ჯანდაცვის ეროვნული სამმართველო ავრცელებს.
მანამდე გავრცელებული ინფორმაციით, დაშავებულთა რაოდენობა 22-ს შეადგენდა. პარასკევს, პიკის საათის დროს, სადგურ Parsons Green-ზე, რომელიც ლონდონის დასავლეთ ნაწილში მდებარეობს, აფეთქება მოხდა. გავრცელებული ინფორმაციით, თვითნაკეთი ასაფეთქებელი მოწყობილობა ამოქმედდა, თუმცა, არასრული სიმძლავრით.