ვენესუელას პრეზიდენტი ნიკოლას მადურო მიიჩნევს, რომ გარეგნულად იოსებ სტალინს ჰგავს. ”მსოფლიოში არსებობენ ადამიანები, რომლებიც კარიბის ზღვის რეგიონის სტალინს მიწოდებენ და მე მართლაც ვგავარ. შემომხედეთ პროფილში, სარკეში რომ ვიყურები, მეც მგონია, რომ სტალინს ვგავარ”, - განაცხადა ვენესუელას ლიდერმა ერთ-ერთი ტელეგადაცემის ეთერში.
კონსტიტუციის შეცვლის გარშემო შექმნილი სიტუაციის გამო, ვენესუელაში უკვე რამდენიმე თვეა მასობრივი საპროტესტო აქციები მიმდინარეობს. სამართალდამცველებთან შეტაკებების შედეგად 120-ზე მეტი ადამიანია დაღუპული.