ყირგიზეთის ვიცე-პრემიერი ავტოავარიაში გარდაიცვალა

ყირგიზეთის მთავრობის ვიცე-პრემიერი ტემირ ჯუმაკადიროვი ავარიის შედეგად გარდაიცვალა. ამის შესახებ ყირგიზეთის პრემიერის ადმინისტრაციის პრესცენტრი იუწყება.

ჯუმაკადიროვის სამსახურებრივი ავტომობილი სატვირთო მანქანას შეეჯახა. ავარიას ვიცე-პრემიერი, მისი თანაშემწე ნურლან ჟამგირჩიევი და მძღოლი ემსხვერპლნენ.

სატვირთო ავტომობილის მძღოლი დაშავდა და საავადმყოფოშია გადაყვანილი.

საგზაო-სატრანსპორტო შემთხვევის ფაქტზე გამოძიება მიმდინარეობს.