კოტ-დ’ივუართან თვითმფრინავი ოკეანეში ჩავარდა

კოტ-დ'ივუარში თვითმფრინავმა კატასტროფა განიცადა. თვითმფრინავი აფრენიდან რამდენიმე წუთში ოკეანეში ჩავარდა.

გავრცელებული ინფორმაციით, ავიაკატასტროფა სატვირთო თვითმფრინავმა განიცადა, რომელსაც საფრანგეთის შეიარაღებული ძალებისთვის ტვირთები გადაჰქონდა.

თვითმფრინავი უკრაინულ კომპანიას ეკუთვნის. შემთხვევის ადგილზე სამაშველო ოპერაცია მიმდინარეობს. სხვა დამატებითი დეტალები ჯერ არ ვრცელდება.