რუსეთის 2018 წლის საპრეზიდენტო არჩევნებში მონაწილეობას კიდევ ერთი კანდიდატი აპირებს. მონაწილეობის სურვილი ტელეწამყვანმა ქსენია სობჩაკმა გამოთქვა. ამასთან დაკავშირებით მან ღია წერილი პრესაში გამოაქვეყნა.
"მე ვარ კანდიდატი - "ყველას წინააღმდეგ" - წერს სობჩაკი, რომელსაც 5 ნოემბერს 36 წელი უსრულდება.
კრემლის პრესსპიკერმა დიმიტრი პესკოვმა მედიას განუცხადა, რომ ქსენია სობჩაკის კანდიდატურა სრულად ესადაგება ქვეყნის კონსტიტუციის მოთხოვნებს და შეუძლია პრეზიდენტად კენჭი იყაროს. მისივე თქმით, სობჩაკის პოლიტიკური მრწამსი ჯერ უცნობია და მას ნულიდან მოუწევს პოლიტიკური გამოცდილების მიღება.