უკრაინის რადას სახალხო დეპუტატი ანტონ გერაშენკო "თვითერის" პირად გვერდზე მიხეილ სააკაშვილის დაკავებას ეხმაურება. მისი ინფორმაციით, სააკაშვილი ნამდვილად დააკავეს ეროვნული პოლიციის წარმომადგენლებმა კანონის მკაცრი დაცვით.
"ის კიევის ერთ-ერთ ბინაში იმალებოდა. დაკავებისას არავინ დაშავებულა. ახლა სასამართლო 72 საათის განმავლობაში განსაზღვრავს მისთვის აღკვეთის ღონისძიების ზომას", - წერს დეპუტატი.
უკრაინელი სამართალდამცველების მიერ საქართველოს ექსპრეზიდენტი მიხეილ სააკაშვილის დაკავების შესახებ ინფორმაცია თავდაპირველად უკრაინის გენერალური პროკურორის ყოფილმა მოადგილემ დავით საყვარელიძემ გაავრცელა. მოგვიანებით ეს ფაქტი უკრაინის "ახალი ძალების მოძრაობის" პრესმდივანმა მარიანა პოჩტარმა დაადასტურა. მისი ინფორმაციით, ამჟამად სამართალდამცველები კარვების ქალაქზე შეტევას ახორციელებენ.