ნიდერლანდებში ქარიშხალს სულ მცირე 3 ადამიანი ემსხვერპლა, ამსტერდამის საერთაშორისო აეროპორტმა ყველა რეისი გააუქმა. ამის შესახებ ადგილობრივ პოლიციაზე დაყრდნობით სააგენტო AP წერს.
ნიდერლანდებში საფრთხის ყველაზე მაღალი, „წითელი“ დონეა გამოცხადებული.
ხელისუფლება მძღოლებს მოუწოდებს, ავტომობილით მგზავრობისგან თავი შეიკავონ. შეფერხებით მუშაობენ მატარებლები, ჰააგაში რკინიგზის სადგურმა კი მუშაობა საერთოდ შეაჩერა.