რიო-დე-ჟანეიროში, კოპაკაბანას პლაჟზე ავტომობილი ხალხში შეიჭრა - დაიღუპა 8 თვის ბავშვი

რიო-დე-ჟანეიროში, კოპაკაბანას პლაჟზე ავტომობილი ხალხში შეიჭრა, დაიღუპა 8 თვის ბავშვი, დაშავდა სულ მცირე 10 ადამიანი. ამის შესახებ ტელეარხი "გლობო" იუწყება.

მისი ინფორმაციით, ინციდენტი ადგილობრივი დროით 20:30 საათზე მოხდა. ავტომობილის მძღოლი, 41 წლის ანტონიუ ალმეიდა დაკავებულია. მან განაცხადა, რომ ეპილეფსია აქვს. უახლოეს დროში მას ანალიზები ჩაუტარდება, რათა გაირკვეს, იმყოფებოდა თუ არა ის ალკოჰოლის ზემოქმედების ქვეშ.

ინციდენტის შედეგად ყველა დაშავებული საავადმყოფოში გადაიყვანეს.