ევროკომისიამ სატარიფო შეთქმულების გამო 11 ავიაკომპანია დააჯარიმა

მსოფლიოს 11 უმსხვილესი ავიაკომპანია, რომლებიც ტვირთების გადაზიდვების ტარიფებთან დაკავშირებით კარტელურ შეთქმულებაში დაადანაშაულეს, ევროკომისიამ 800 მლნ ევროთი დააჯარიმა. ამის შესახებ ”ასოშიეითიდ პრესი” იტყობინება.

დაჯარიმებულთა შორისაა - Air France-KLM, British Airways-ი, Air Canada, Cathay Pacific, Cargolux, Japan Airlines, LAN Chile, SAS, Singapore Airlines, Qantas და Martinair. 

ყველაზე მსხვილ ჯარიმას - 310 მლნ ევროს Air France-KLM-ი გადაიხდის. ფრანგულ-ჰოლანდიური ავიაკომპანია Air France-KLM-ი 25,5 მლნ ევროს ოდენობის ჯარიმას Martinair-ის ნაცვლადაც გადაიხდის, როგორც მისი მემკვიდრე. British Airways-ი 104 მლნ ევროთი დაჯარიმდა, დანარჩენები - 8 დან 80 მლნ ევრომდე.

როგორც გაირკვა, 1999-2006 წლებში კარტელის მონაწილეებმა გადაზიდვის ღირებულება ერთმანეთთან შეათანხმეს და ფასდაკლებაზე უარი განაცხადეს.

მომზადებულია inlove.ru-ს მიხედვით.