პირველად დანიის ისტორიაში, შესაძლოა, პრემიერი ქალი გახდეს

დანიაში საპარლამენტო არჩევნები 15 სექტემბერს გაიმართება და შესაძლოა, ქვეყნის ისტორიაში პირველად, პრემიერის პოსტი ქალმა დაიკავოს.

ჩატარებული გამოკითხვის თანახმად, არჩევნებში გამარჯვებას მემარცხენე ცენტრისტული ოპოზიციის ერთიანი კანდიდატი, სოციალ-დემოკრატი ჰელე ტორნინგ-შმიდტი მოიპოვებს. გამოკითხულთა 51,5%-ის თქმით, არჩევნებს ის მოიგებს.

წინასაარჩევნო კამპანია დანიაში არსებულ ეკონომიკური პრობლემებსა და მიგრაციის პრობლემებზე იქნება ფოკუსირებული.

შეგახსენებთ, 2009 წლის მაისამდე დანიის პრემიერის პოსტი ანდერს ფოგ რასმუსენს ეკავა, რომელმაც მას შემდეგ, რაც "ნატოს" გენერალურ მდივნად დანიშნეს, თანამდებობა თანაპარტიელ, ლარს ლეკე რასმუსენს გადააბარა.

მომზადებულია euromag-ის მიხედვით.