უკრაინის ექსპრემიერი იულია ტიმოშენკო საავადმყოფოდან დღეს ისევ ციხეში დააბრუნეს. უკრაინული მედიის ინფორმაციით, ამის მიზეზი გახდა ის, რომ ტიმოშენკომ მკურნალობაზე უარი განაცხადა. ყოფილი პრემიერ-მინისტრი საავადმყოფოში 20 აპრილის ღამეს გადაიყვანეს.
რუსეთთან 2009 წელს გაზის კონტრაქტების გაფორმებისას უფლებამოსილების გადაჭარბებისთვის იულია ტიმოშენკო გასულ წელს დააკავეს. მას 7 წლით თავისუფლების აღკვეთა შეუფარდეს.
ყოფილი პრემიერი ამჟამად ხარკოვში, კაჩანოვის გამოსასწორებელ კოლონიაში იხდის სასჯელს.