ისრაელი მზადაა ნებისმიერ დროს დაესხას თავს ირანის ბირთვულ ობიექტებს, თუკი შესაბამისი ბრძანება იქნება, - ამის შესახებ ისრაელის შეიარაღებული ძალების გენშტაბის ხელმძღვანელმა, გენერალ-ლეიტენანტმა ბენი განცმა ადგილობრივ გაზეთ "ედიოტ ახრონოტთან" საუბარში განაცხადა.
"მიგვაჩნია, რომ ბირთვული იარაღის მფლობელი ირანი სახიფათოა მთელი მსოფლიოსთვის და ისრაელმა ის უნდა შეაჩეროს. აქედან გამომდინარე, ჩვენ შესაბამისი გეგმა გვაქვს", - განაცხადა ბენი განცმა.
მისივე თქმით, ეს სიტყვები არ ნიშნავს ირანთან საომარი მოქმედებების სასწრაფოდ დაწყებას, თუმცა, საჭიროების შემთხვევაში ისრაელი შეტევისთვის ნებისმიერ დროს მზადაა.