აშშ-ის კონგრესის მიერ "მაგნიტსკის კანონის" დამტკიცების შემთხვევაში, ამერიკის ცალკეულ მოქალაქეებს რუსეთში შესვლა შეეზღუდებათ, - BBC-ის ცნობით, ამის შესახებ რუსეთის პრეზიდენტმა ვლადიმერ პუტინმა მექსიკაში, "დიდი ოცეულის" სამიტზე განაცხადა.
"თუ რუსეთის მოქალაქეებს აშშ-ში შესვლაზე შეზღუდვები დაუწესდებათ, საპასუხო ზომებს გაატარებს რუსეთის ფედერაცია ამერიკის მოქალაქეების გარკვეულ რაოდენობაზეც", - განაცხადა პუტინმა.
აშშ-ის კონგრესის საერთაშორისო საქმეთა კომიტეტმა კანონპროექტის კენჭისყრა 26 ივნისამდე გადადო. "მაგნიტსკის კანონი" ადამიანის უფლებათა დარღვევაში ეჭვმიტანილი რუსეთის მოქალაქეებისთვის სავიზო სანქციების ამოქმედებას გულისხმობს.