ჰილარი კლინტონი – აშშ-რუსეთის ურთიერთობაში სირიის თემაზე კვლავ უთანხმოებაა

აშშ-სა და რუსეთს შორის სირიის პრობლემის დარეგულირებასთან დაკავშირებით კვლავ უთანხმოებაა , - ამის შესახებ აშშ-ის სახელმწიფო მდივანმა ჰილარი კლინტონმა ვლადიმერ პუტინსა და სერგეი ლავროვთან შეხვედრის შემდეგ განაცხადა.

მისივე თქმით, ამერიკა, მოკავშირე სახელმწიფოებთან ერთად სირიის ოპოზიციის მხარდაჭერას განაგრძობს, რათა მათ ბაშარ ასადის რეჟიმთან გამკლავება შეძლონ.

"აუცილებელია, რეალისტები ვიყოთ. სირიასთან დაკავშირებით მოლაპარაკება არ შედგა. უთანხმოება რჩება და, სავარაუდოდ, მომავალშიც შენარჩუნდება", - განაცხადა კლინტონმა.

აშშ-ის სახელმწიფო მდივანთან შეხვედრას კონსტრუქციული უწოდა ვლადიმერ პუტინმაც, თუმცა აღნიშნა, რომ შეთანხმება არ შედგა.

"ინტერპრესნიუსი"