ერაყში, სოფელ ქაბაკში თვითმკვლელმა ტერორისტმა თავი სკოლის ეზოში აიფეთქა.
სათამაშო მოედანზე მომხდარ შემზარავ ინციდენტს 14 ბავშვის სიცოცხლე ემსხვერპლა. 90-მა ადამიანმა სხეულის მძიმე დაზიანება მიიღო. მოსწავლეებთან ერთად აფეთქებას 2 პოლიციელის და 1 მასწავლებლის სიცოცხლე შეეწირა.
"ეს ნამდვილი ტრაგედიაა. ეს უმანკო პატარები სკოლაში გაკვეთილებს ესწრებოდნენ. რა ბრალი მიუძღვით, სასიკვდილოდ რომ გაიმეტეს? ალ ქაიდა ერაყის შავი ჭირია", - განაცხადა ქალაქის მერმა აბდულ აალ ალ-ობეიდმა.
იანვრის შემდეგ ქვეყანაში ტერაქტების შედეგად 6 000-ზე მეტი ადამიანი დაიღუპა.
მომზადებულია dailymail.co.uk-ის მიხედვით.