არიელ შარონი გარდაიცვალა

85 წლის ასაკში ისრაელის ყოფილი პრემიერ-მინისტრი არიელ შარონი გარდაიცვალა. გასულ კვირას, შარონის მკურნალმა ექიმმა, პროფესორმა ზეევ როტშტეინმა განაცხადა, რომ შარონის მდგომარეობა მკვეთრად გაუარესდა და მან, შესაძლოა, კრიზისი ვერ გადაიტანოს.

არიელ შარონი, კომაში, 2006 წელს ინფარქტის გადატანის შემდეგ ჩავარდა. მას შემდეგ ის ხელოვნური სუნთქვის აპარატზე იყო მიერთებული.

ყოფილმა პრემიერ-მინისტრმა მონაწილეობა მიიღო ყველა ომში, რომელშიც ისრაელი მონაწილეობდა 1948 წლიდან მოყოლებული.

მომზადებულია bbc.co.uk-ის მიხედვით.