ევროკავშირი მზადაა უკრაინელი ოლიგარქების საბანკო ანგარიშები შეამოწმოს

ევროკავშირი უკრაინის ხელმძღვანელი პირების მიმართ სანქციების დაწესებას ჯერჯერობით არ აპირებს, თუმცა მზადაა ევროკავშირის ქვეყნებში უკრაინელი ოლიგარქების საბანკო ანგარიშები შეამოწმოს, თუ მომიტინგეების წინააღმდეგ ძალის გამოყენება კვლავ გაგრძელდება.

"კორესპონდენტ.ნეტ"-ის ცნობით, ამის შესახებ ევროკომისარმა საბიუჯეტო საკითხებში იანუშ ლევანდოვსკიმ განაცხადა.

"ჯერჯერობით ევროკავშირის მხრიდან სანქციებზე არ ვსაუბრობთ, მაგრამ არსებობს ოლიგარქთა ინტერესები, არსებობს საბანკო ანგარიშები, რომლებიც შესაძლოა შემოწმდეს", - აღნიშნა ევროკომისარმა.

მისივე თქმით, ამ დროისთვის ასოცირების ხელშეკრულების გაფორმებასთან დაკავშირებით შანსები "ნულამდე დაეცა" და ევროკავშირისა და უკრაინის დღის წესრიგში ნეგატიური განცხადებები და რეაქციები დომინირებს.