გურამ ოდიშარიას პირველი კომენტარი ივანიშვილის კრიტიკაზე

ჩემი გადადგომის საკითხი არ განიხილება, - ამის შესახებ შვებულებიდან დაბრუნებულმა კულტურის და ძეგლთა დაცვის მინისტრმა, გურამ ოდიშარიამ ჟურნალისტებს მთავრობის სხდომის დაწყებამდე განუცხადა.

ამით ოდიშარიამ ჟურნალისტის კითხვას უპასუხა, განიხილება თუ არა მისი გადადგომის საკითხი. "შვებულებაში ვიყავი და დღეს გამოვედი", - აღნიშნა ოდიშარიამ.

ყოფილი პრემიერ-მინისტრის, ბიძინა ივანიშვილის მიერ გამოთქმულ კრიტიკასთან დაკავშირებით კი, ოდიშარიამ განაცხადა, რომ ისინი ერთი გუნდი არიან და კრიტიკით ერთმანეთს ეხმარებიან.

"კრიტიკული შენიშვნებით ერთმანეთს ვეხმარებით, ვზრდით ერთმანეთს და სხვანაირად არც შეიძლება", - განაცხადა ოდიშარიამ.

"ინტერპრესნიუსი"