სოფლის მეურნეობის მინისტრის პირველ მოადგილედ ოთარ დანელია დაინიშნა
საქართველოს სოფლის მეურნეობის მინისტრის პირველ მოადგილედ ოთარ დანელია დაინიშნა. როგორც "ინტერპრესნიუსს" სამინისტროდან აცნობეს, სოფლის მეურნეობის მინისტრმა შალვა ფიფიამ თანამშრომლებს ოთარ დანელია წარუდგინა, რომელიც დღეიდან მინისტრის პირველი მოადგილის პოსტს დაიკავებს.
სოფლის მეურნეობის მინისტრის პირველ მოადგილედ დანიშვნამდე, მიმდინარე წლის იანვრიდან ოთარ დანელია შსს-ს მომსახურების სააგენტოს ხელმძღვანელობდა, 2013-2014 წლებში საქართველოს შინაგან საქმეთა სამინისტროს საფინანსო-სამეურნეო დეპარტამენტის უფროსის მოადგილის თანამდებობა ეკავა. ოთარ დანელია აქვს როგორც კერძო, ისე საერთაშორისო ორგანიზაციებში მუშაობის დიდი გამოცდილება.
მინისტრის პირველი მოადგილე მოვალეობის შესრულებას უკვე შეუდგა.
სოფლის მეურნეობის მინისტრის პირველ მოადგილედ დავით შერვაშიძე მუშაობდა.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
