რატომ გაბრაზდი? ამ ქალაქში ერთად უნდა ვიცხოვროთ, - ასე მიმართა თბილისის მერობის კანდიდატმა დავით ნარმანიამ ასევე მერობის კანდიდატ ნიკა მელიას დებატების დასრულების შემდეგ, რაზეც პასუხად მიიღო: რამდენი ხანია, რაც თბილისში ცხოვრობ?
"შერატონ მეტეხი პალასში" გამართული დებატების დასრულების შემდეგ თბილისის მერობის კანდიდატების საუბარს მცირე კამათი მოჰყვა. მელიამ ნარმანიას "რუსთავი 2"-სა და "იმედში" განმეორებით დებატებზე მისვლა შესთავაზა, რაზეც ამ უკანასკნელისგან უარი მიიღო.