გიორგი მარგველაშვილი პარლამენტის სხდომას დაესწრება

საქართველოს პრეზიდენტი გიორგი მარგველაშვილი პარლამენტში ევროკავშირთან ასოცირების ხელშეკრულების რატიფიცრებას დაესწრება.

ამის შესახებ ინფორმაცია "ინტერპრესნიუსს" პრეზიდენტის პრესსამსახურში დაუდასტურეს.

პარლამენტის დღევანდელ რიგგარეშე სესიაზე ევროკავშირთან ასოცირების შესახებ შეთანხმების რატიფიცირება მოხდება. დოკუმენტი დეპუტატებს საგარეო საქმეთა მინისტრმა მაია ფანჯიკიძემ წარუდგენა.

დეპუტატებს პრემიერ-მინისტრი ირაკლი ღარიბაშვილი მიმართავს. სხდომაზე მიწვეული არიან ევროკომისარი შტეფან ფულე, ლატვიისა და ბულგარეთის საგარეო საქმეთა მინისტრები.

"ინტერპრესნიუსი"