პრეზიდენტმა პარლამენტს მთავრობის ახალი შემადგენლობა უნდა წარუდგინოს

პარლამენტმა მინისტრთა კაბინეტს ნდობა თავიდან უნდა გამოუცხადოს. ამას კონსტიტუცია მთავრობის შემადგენლობაში შვიდი მინისტრის შეცლის საფუძველზე ითვალისწინებს. კერძოდ, კონსტიტუციის თანახმად, მთავრობის თავდაპირველი შემადგენლობის ერთი მესამედით, მაგრამ არანაკლებ მთავრობის 5 წევრით განახლების შემთხვევაში, პრეზიდენტი ერთი კვირის ვადაში პარლამენტს ნდობის მისაღებად მთავრობის შემადგენლობას წარუდგენს.