გურამ ოდიშარია ირაკლი ღარიბაშვილის მრჩეველად დაინიშნა

კულტურისა და ძეგლთა დაცვის ყოფილი მინისტრი გურამ ოდიშარია პრემიერ-მინისტრის მრჩევლად დაინიშნა. როგორც "ინტერპრესნიუსს" პრემიერის პრესსამსახურში განუცხადეს, ირაკლი ღარიბაშვილმა ოდიშარიას მრჩევლად დანიშვნის შესახებ ბრძანებას 31 ივლისს მოაწერა ხელი. დოკუმენტი მთავრობის ადმინისტრაციის ვებ-გვერდზე უახლოეს პერიოდში გამოქვეყნდება.

კულტურისა და ძეგლთა დაცვის მინისტრის პოსტზე გურამ ოდიშარია მიხეილ გიორგაძემ ჩაანაცვლა.