საქართველოში შესაძლოა, ნატო-ს სამხედრო-საწვრთნელი ცენტრი შეიქმნას

საქართველოში შესაძლოა, ნატო-ს სამხედრო-საწვრთნელი ცენტრი შეიქმნას

უელსის სამიტზე ნატო-ს ახალი პაკეტის შეთავაზება კიდევ უფრო დაახლოებს საქართველოს ალიანსთან, - ამის შესახებ ნატო-ს გენერალურმა მდივანმა ანდერს ფოგ რასმუსენმა ბრიუსელში, უელსის სამიტამდე გამართულ ბოლო პრესკონფერენციაზე საზოგადოებრივი მაუწყებლის ჟურნალისტის მიერ დასმული შეკითხვის პასუხად განაცხადა.

მისივე თქმით, შესაძლოა, საქართველოში ნატო-ს სამხედრო-საწვრთნელი ცენტრი შეიქმნას. "თავდაცვითი შესაძლებლობებისთვის შევქმნით სპეციალურ მისიას, რომელიც ყურადღებას გაამახვილებს თავდაცვის სამინისტროზე და დაეხმარება უსაფრთხოებისა და თავდაცვის სექტორის რეფორმების განხორციელებასა და მოდერნიზებაში", - განაცხადა ანდერს ფოგ რასმუსენმა.

როგორც ნატო-ს გენერალურმა მდივანმა აღნიშნა, ალიანსის წვრთნებში მონაწილეობის გააქტიურებით, ალიანსი გააძლიერებს ძალისხმევას საქართველოს შეიარაღებული ძალების შესაძლებლობების გასაძლიერებლად, რომ უკეთ იმუშაონ ნატო-ს შენაერთებთან ერთად. "ასევე განვიხილავთ სამხედრო-საწვრთნელი ცენტრის შექმნას და სამეკავშირეო ოფისის გაფართოებას", - განაცხადა ანდერს ფოგ რასმუსენმა.

LIVE: გია ხუხაშვილი "ნიუსრუმიდან"

"ანტიგმირი უნდა დამალო" -  გია ხუხაშვილი  პარლამენტიდან ვანო ზარდიაშვილის წასვლაზე

უკრაინის პროკურატურამ მიხეილ სააკაშვილის მიმართვაზე საქმე აღძრა