"ქართულ ოცნებას" ახალი აღმასრულებელი მდივანი ჰყავს
პოლიტიკური გაერთიანება "ქართული ოცნების" პოლიტსაბჭოს გადაწყვეტილებით, პარტიის აღმასრულებელი მდივანი შინაგან საქმეთა სამინისტროს გენინსპექციის ყოფილი ხელმძღვანელი ზვიად ჯანყარაშვილი გახდა.
როგორც ჟურნალისტებს პარტიის გენერალურმა მდივანმა, ვიცე-პრემიერმა კახა კალაძემ განუცხადა, ჯანყარაშვილს პოლიტსაბჭომ მხარი ერთხმად დაუჭირა.
"ძალიან მნიშვნელოვანია პარტიული მშენებლობის საკითხი. 2012 წლიდან ვართ საარჩევნო პროცესში. მნიშვნელოვანია სოციალ-დემოკრატიულ იდეოლოგიაზე დაფუძნებული პარტიის ჩამოყალიბება. მნიშვნელოვანია იყოს პიროვნება, რომელიც დღე და ღამე აქტიურად იმუშავებს პარტიული საქმიანობისთვის", - განუცხადა ჟურნალისტებს კახა კალაძემ.
მისივე თქმით, არც პარტიის თავმჯდომარეს და არც მას, როგორც პარტიის გენერალურ მდივანს, საკუთარი საქმიანობიდან გამომდინარე, საკმარისი დრო არ რჩება საკუთრივ პარტიული მუშაობისთვის.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
