თინა ხიდაშელი - მართლა სირცხვილია, როცა დიპლომატები, ბოდიშს ვიხდი და, ბომჟებივით გყავს

მართლა სირცხვილია, როცა დიპლომატები, ბოდიშს ვიხდი და, ბომჟებივით გყავს, - აღნიშნული განცხადება დეპუტატმა თინა ხიდაშელმა გუშინ, პარლამენტის პლენარულ სხდომაზე მომავლი წლის ბიუჯეტის პროექტის განხილვისას გააკეთა.

ხიდაშელმა ფინანსთა მინისტრს და მასთან ერთად, საგარეო საქმეთა მინისტრს მიმართა, რომ საქართველოს დიპლომატიური მისიების თანამშრომელთა დაზღვევით უზრუნველყოფის საკითხს განსაკუთრებული ყურადღება მიექცეს.

"მართლა სირცხვილია, ბოდიშს ვიხდი ამ სიტყვებისთვის, როცა ბომჟებივით გყავს დიპლომატები და ელემენტარულად დაზღვევის საშუალება არა აქვთ. ბოდიშს ვიხდი და ვიცი, რომ ძალიან ცუდი სიტყვა ვთქვი, მაგრამ ახლა სხვა უბრალოდ არ გამახსენდა. ეს არის ძალიან მნიშველოვანი საკითხი", - განაცხადა ხიდაშელმა.