"მე არ ვარ მათი მტერი"- ბიძინა ივანიშვილი "ნაციონალურ მოძრაობაზე"

ყოფილი პრემიერ-მინისტრი ბიძინა ივანიშვილი აცხადებს, რომ "ნაციონალური მოძრაობის" მტერი არ არის. როგორც ივანიშვილმა საზოგადოებრივი მაუწყებლის ეთერში საზოგადოების ერთიანობის პრობლემაზე საუბრისას განაცხადა, "ნაციონალური მოძრაობა" ერთიანობას ძალიან უშლის ხელს.

"ნაციონალური მოძრაობა" ძალიან უშლის ხელს ერთიანობაში. მე არ ვარ მათი მტერი. სხვადასხვა მხარეს ნუ იქაჩებიან.

ვთანხმდებით, რომ გვინდა ევროპული სახელმწიფო, მაგრამ მეთოდებზე და ფორმებზე როდესაც მიდის საქმე, აბსოლუტურად განსხვავებულს აკეთებს ძალიან ბევრი", - აღნიშნა ივანიშვილმა.